| تخيلوا معايا كدة ان البنت هي اللي بتروح تطلب ايد الولد | |
|
+6awful_chesser miss.fadia MR HEMA مس مون mr_sharief Sayed 10 مشترك |
كاتب الموضوع | رسالة |
---|
Sayed مدير المدرسه
عدد المساهمات : 972 تاريخ التسجيل : 07/03/2008 العمر : 37 العمل/الترفيه : مدرس لغه انجليزيه المزاج : راضي والحمدلله
| موضوع: تخيلوا معايا كدة ان البنت هي اللي بتروح تطلب ايد الولد الإثنين فبراير 15, 2010 2:23 pm | |
| تخيلوا معايا كدة ان البنت هي اللي بتروح تطلب ايد الولد هههههههههههههههه
شوفوا ايه اللي هيحصل . . . . .
يعنى تتفاجئ فى يوم وانت قاعد تقرا كتاب رومانسى وانواع الاحلام الوردية ,, وسرحاان فى فارسة احلامك............ تلاقى مامتك داخلة عليك تقول لك: يا ابنى عاوزة اكلمك فى موضوع.. ترد انت بكل خوف:خير يا ماما؟؟؟ تقول مامتك: جارتنا ام محمد عاوزة تخطبك لبنتها,,,,, وانت ماشاء الله عليك كبرت واحلويت,,ايه رايك؟ بعدها تروح انت منزل راسك فى الارض وتلعب باصبعك فى شعرك او(شنبك) وترد وانت مكسووف وخدودك محمرة وتقول: الراى رايك والشورة شورتك يا ماامى.. تقول مامتك: انا بصراحة شايفة البنت كويسة ,,, ما شاء الله عليها من البيت للجامع ومن الجامع للبيت.. ترد انت: بس يا ماما هى ما شافتنيش.. مامتك: لا شافتك وانت راجع من الشغل,, وسالت عنك وقالولها انك ولد فى حالك ومؤدب ومالكش فى البطاال.. مامتك: انا خلاص اتفقت معاهم انهم ييجوا الخميس عشان يشوفوك.. تسال انت:طيب بابا رايه ايه؟؟ ترد مامتك:ابوك ما يعرفش حاجة,خليه حايس فى المطبخ مع نفسه الله يعينه.. تقول انت: اللى تشوفيه يا ماما. وتطلع مامتك من الغرفة وتنط انت قدام المراية وتاخد نص لفة يمين ونص لفة شمال تشوف جسمك,وتمشط شعرك بدلع.. وتقوول:ااه اخيرا حست وخطبتنى........ يووم الخميس,,تروح انت لكوافير رجالى وتصبغ شعرك هاى لايت وتظبط نفسك.. وتيجى البيت وتلبس الطقم اللى فصلته عند عبده خشبة,اللى فيه سيور,, وتحط عطر جمييل ,,وتطلع الصالة عشان تقابل العروسة....... يقول لك ابوك:يللا دخل العصير لعروستك.. تقول انت:يابابا انا مكسوف طلعه انت.. ابوك يقول لك وهو يضحك:يا ولد روح لعروستك.اهىء..اهىء.. تقول انت:يا بابا انت دايما تحرجنى كدة.. وتاخد العصير وتدخل عليهم بكل رقة وادب وكسووف وتقوول: احم..احم..السلام عليكم. ترد العروسة بعد ما وقفت:وعليكم السلام. تقول هى:هو ايه العصير الاحلى(الاحمر واللا الاصفر)..(بتتلزق يعنى) تقول انت: كله حلو.... تقول هى:اكيد كله حلو لانك انت اللى عملته.. بعدها تحط الصينية بسرعة وايدك على فمك وتضحك وتروح داخل اوضتك بسرعة. ويكون اخوااتك مستنيينك جوه على ناار ويقولو لك: هاااااااا ....ايه اللى حصل؟؟؟؟؟ ترد انت:تهبل..تهبل..حلوة اوى,ودمها خفيف,وذووق كمان...
وييجى يوم الفرح.... وتقعد انت فى الكوشة مستنى العروسة,وحواليك كل الشباب بيرقصوا ويغنوا.. بعد شوية تلاقى العروسة داخلة يوسع لها كل الشباب وهما هيموتو من الكسووف... وتقعد العروسة جنبك وتقول لك:ايه القمر ده بس!!!
وترجع بيتك تربى عييالك وتطبخ الغدا لمراتك وتتخانقوا ساعات وتنام دمعتك على شنبك ويزيد الخلاف بينكم,وتاخد عيالك وتروح لاهلك.. وتصلح امك ما بينكم.............. </B></I> | |
|
| |
mr_sharief عضو فعال
عدد المساهمات : 598 تاريخ التسجيل : 04/06/2009
| موضوع: رد: تخيلوا معايا كدة ان البنت هي اللي بتروح تطلب ايد الولد الإثنين فبراير 15, 2010 6:06 pm | |
| اللهم اغفر له ولوالديه ما تقدم من ذنبهم وما تأخر و أدخلهم الفردوس الأعلى | |
|
| |
مس مون عضو نشيط
عدد المساهمات : 32 تاريخ التسجيل : 04/02/2010 العمل/الترفيه : مدرسة لغة انجليزية المزاج : متفائلة خيرا
| موضوع: رد: تخيلوا معايا كدة ان البنت هي اللي بتروح تطلب ايد الولد الإثنين فبراير 15, 2010 6:26 pm | |
| موضوع حلو يا مستر سيد
بس ده لو حصل فعلا يبقى الدنيا حالها اتقلب وانقلبت الموازين
وربنا يستر لان مفيش احلى من الراجل هو اللى يطلب البنت للزواج طبعا | |
|
| |
MR HEMA ناظر المدرسه
عدد المساهمات : 345 تاريخ التسجيل : 30/06/2008 العمر : 37 المزاج : زي الفل
| موضوع: رد: تخيلوا معايا كدة ان البنت هي اللي بتروح تطلب ايد الولد الثلاثاء فبراير 16, 2010 12:34 am | |
| هو ده اللي ناقص يا مستر
نقعد احنا في البيت | |
|
| |
miss.fadia الشخصيات الهامة
عدد المساهمات : 733 تاريخ التسجيل : 20/06/2009 العمر : 36 المزاج : تمام والحمد لله
| موضوع: رد: تخيلوا معايا كدة ان البنت هي اللي بتروح تطلب ايد الولد الثلاثاء فبراير 16, 2010 1:43 am | |
| ههههههههههه هههههههههه
دي اكيد نكته صح؟؟؟ | |
|
| |
awful_chesser الشخصيات الهامة
عدد المساهمات : 811 تاريخ التسجيل : 11/01/2009 العمر : 40 العمل/الترفيه : مدرس لغة انجليزية المزاج : عنب
| موضوع: رد: تخيلوا معايا كدة ان البنت هي اللي بتروح تطلب ايد الولد الثلاثاء فبراير 16, 2010 2:15 am | |
| موضوع جميل قوي يا عنب ........بعد اذنكم بقى عشان الحق اتزوق لان في ناس جايبين بنتهم وجايين يشوفوني النهارده ...........ادعولي ياجماعة ربنا ييسر لي واعجب العروسه ........ايه رأيكم اعملهم عصير موز باللبن ولا قمر الدين ..........لولولولولولولولولولولووللولولوي | |
|
| |
Miss amal مدرس
عدد المساهمات : 565 تاريخ التسجيل : 12/03/2008 العمر : 37 العمل/الترفيه : عاطلة المزاج : فى النازل
| موضوع: رد: تخيلوا معايا كدة ان البنت هي اللي بتروح تطلب ايد الولد الإثنين يونيو 07, 2010 10:36 am | |
| يبقى الاية الى بتقول (الرجال قوامون على النساء)اتقلبت هيكونوا قوامون فى ايه بقى
هو صحيح بيحصل اليومين دول ان ام العروسة تروح تخطب العريس الى عاجبها لبنتها لكن الرجالة رجالة بردو | |
|
| |
florinda وزيرة التربية والتعليم
عدد المساهمات : 1969 تاريخ التسجيل : 09/03/2008 العمر : 36 العمل/الترفيه : An English teacher المزاج : thanks god for every thing happened in our life
| موضوع: رد: تخيلوا معايا كدة ان البنت هي اللي بتروح تطلب ايد الولد السبت سبتمبر 11, 2010 2:23 pm | |
| ههههههههههههههههه
الله يسامحك انت بتتريق علينا ولا ايه ماشى ماشى
بكرة نشوفكم | |
|
| |
مطار الاحزان عضو فعال
عدد المساهمات : 300 تاريخ التسجيل : 06/07/2009 العمر : 36 العمل/الترفيه : عــــــــ ولله الحمد ــــــــاطل المزاج : منيل بستين نيلة
| موضوع: رد: تخيلوا معايا كدة ان البنت هي اللي بتروح تطلب ايد الولد السبت أكتوبر 09, 2010 8:39 pm | |
| ياريت ده يحصل وبالمرة يشتغلوا مكاننا ويرحمونا من وجع الدماغ
| |
|
| |
لوجينا عضو جديد
عدد المساهمات : 19 تاريخ التسجيل : 03/07/2010 العمر : 37 العمل/الترفيه : مدرسه مع ايقاف التنفيذ المزاج : احيانا متفائله
| موضوع: رد: تخيلوا معايا كدة ان البنت هي اللي بتروح تطلب ايد الولد الثلاثاء أكتوبر 12, 2010 12:32 pm | |
| انا ارفض تلك السخريه لانك كده بتعجل بقيام الساعه ماتستعجلش قوى كده | |
|
| |
Sayed مدير المدرسه
عدد المساهمات : 972 تاريخ التسجيل : 07/03/2008 العمر : 37 العمل/الترفيه : مدرس لغه انجليزيه المزاج : راضي والحمدلله
| موضوع: رد: تخيلوا معايا كدة ان البنت هي اللي بتروح تطلب ايد الولد الثلاثاء أكتوبر 12, 2010 2:40 pm | |
| جزاكى الله خيرا اختنا لوجينا انا لا اقصد اى سخرية والله ولكن اذا حضرتك شايفاها سخريه عليكي تنصحيني ولكن بأسلوب افضل وان تأتي لى بالدليل على ذلك وانا اقبله من حضرتك واضعه تاج على رأسي
جزاكى الله خيرا | |
|
| |
| تخيلوا معايا كدة ان البنت هي اللي بتروح تطلب ايد الولد | |
|