تخيلوا معايا كدة ان البنت هي اللي بتروح تطلب ايد الولد

تخيلوا معايا كدة ان البنت هي اللي بتروح تطلب ايد الولد
هههههههههههههههه

شوفوا ايه اللي هيحصل
.
.
.
.
.

يعنى تتفاجئ فى يوم وانت قاعد تقرا كتاب رومانسى وانواع الاحلام الوردية ,,
وسرحاان فى فارسة احلامك............
تلاقى مامتك داخلة عليك تقول لك:
يا ابنى عاوزة اكلمك فى موضوع..
ترد انت بكل خوف:خير يا ماما؟؟؟
تقول مامتك:
جارتنا ام محمد عاوزة تخطبك لبنتها,,,,,
وانت ماشاء الله عليك كبرت واحلويت,,ايه رايك؟
بعدها تروح انت منزل راسك فى الارض وتلعب باصبعك فى شعرك او(شنبك)
وترد وانت مكسووف وخدودك محمرة وتقول:
الراى رايك والشورة شورتك يا ماامى..
تقول مامتك:
انا بصراحة شايفة البنت كويسة ,,,
ما شاء الله عليها من البيت للجامع ومن الجامع للبيت..
ترد انت:
بس يا ماما هى ما شافتنيش..
مامتك:
لا شافتك وانت راجع من الشغل,,
وسالت عنك وقالولها انك ولد فى حالك ومؤدب ومالكش فى البطاال..
مامتك:
انا خلاص اتفقت معاهم انهم ييجوا الخميس عشان يشوفوك..
تسال انت:طيب بابا رايه ايه؟؟
ترد مامتك:ابوك ما يعرفش حاجة,خليه حايس فى المطبخ مع نفسه الله يعينه..
تقول انت: اللى تشوفيه يا ماما.
وتطلع مامتك من الغرفة
وتنط انت قدام المراية وتاخد نص لفة يمين ونص لفة شمال تشوف جسمك,وتمشط شعرك بدلع..
وتقوول:ااه اخيرا حست وخطبتنى........
يووم الخميس,,تروح انت لكوافير رجالى وتصبغ شعرك هاى لايت وتظبط نفسك..
وتيجى البيت وتلبس الطقم اللى فصلته عند عبده خشبة,اللى فيه سيور,,
وتحط عطر جمييل ,,وتطلع الصالة عشان تقابل العروسة.......
يقول لك ابوك:يللا دخل العصير لعروستك..
تقول انت:يابابا انا مكسوف طلعه انت..
ابوك يقول لك وهو يضحك:يا ولد روح لعروستك.اهىء..اهىء..
تقول انت:يا بابا انت دايما تحرجنى كدة..
وتاخد العصير وتدخل عليهم بكل رقة وادب وكسووف وتقوول:
احم..احم..السلام عليكم.
ترد العروسة بعد ما وقفت:وعليكم السلام.
تقول هى:هو ايه العصير الاحلى(الاحمر واللا الاصفر)..(بتتلزق يعنى)
تقول انت: كله حلو....
تقول هى:اكيد كله حلو لانك انت اللى عملته..
بعدها تحط الصينية بسرعة وايدك على فمك وتضحك وتروح داخل اوضتك بسرعة.
ويكون اخوااتك مستنيينك جوه على ناار ويقولو لك:
هاااااااا ....ايه اللى حصل؟؟؟؟؟
ترد انت:تهبل..تهبل..حلوة اوى,ودمها خفيف,وذووق كمان...

وييجى يوم الفرح....
وتقعد انت فى الكوشة مستنى العروسة,وحواليك كل الشباب بيرقصوا ويغنوا..
بعد شوية تلاقى العروسة داخلة يوسع لها كل الشباب وهما هيموتو من الكسووف...
وتقعد العروسة جنبك وتقول لك:ايه القمر ده بس!!!

وترجع بيتك تربى عييالك وتطبخ الغدا لمراتك
وتتخانقوا ساعات وتنام دمعتك على شنبك
ويزيد الخلاف بينكم,وتاخد عيالك وتروح لاهلك..
وتصلح امك ما بينكم..............

</B></I>

اللهم اغفر له ولوالديه ما تقدم من ذنبهم وما تأخر
و أدخلهم الفردوس الأعلى

موضوع حلو يا مستر سيد

بس ده لو حصل فعلا يبقى الدنيا حالها اتقلب وانقلبت الموازين

وربنا يستر لان مفيش احلى من الراجل هو اللى يطلب البنت للزواج طبعا

هو ده اللي ناقص يا مستر

نقعد احنا في البيت

ههههههههههه هههههههههه

دي اكيد نكته صح؟؟؟

موضوع جميل قوي يا عنب ........بعد اذنكم بقى عشان الحق اتزوق لان في ناس جايبين بنتهم وجايين يشوفوني النهارده ...........ادعولي ياجماعة ربنا ييسر لي واعجب العروسه ........ايه رأيكم اعملهم عصير موز باللبن ولا قمر الدين ..........لولولولولولولولولولولووللولولوي

يبقى الاية الى بتقول (الرجال قوامون على النساء)اتقلبت هيكونوا قوامون فى ايه بقى

هو صحيح بيحصل اليومين دول ان ام العروسة تروح تخطب العريس الى عاجبها لبنتها لكن الرجالة رجالة بردو

ههههههههههههههههه

الله يسامحك انت بتتريق علينا ولا ايه ماشى ماشى

بكرة نشوفكم

ياريت ده يحصل
وبالمرة يشتغلوا مكاننا ويرحمونا من وجع الدماغ

انا ارفض تلك السخريه لانك كده بتعجل بقيام الساعه ماتستعجلش قوى كده

جزاكى الله خيرا اختنا لوجينا
انا لا اقصد اى سخرية والله
ولكن اذا حضرتك شايفاها سخريه عليكي تنصحيني ولكن بأسلوب افضل
وان تأتي لى بالدليل على ذلك
وانا اقبله من حضرتك واضعه تاج على رأسي

جزاكى الله خيرا